Æfingafatnaður á meðgöngu

Hreyfing er mér gríðarlega mikilvæg og er stór hluti af minni daglegu rútínu. Þegar ég varð ólétt og líkaminn byrjaði að breytast fór æfingafatnaðurinn minn ekki að virka eins og hann var vanur að gera. Ég er búin að prufa mig mikið áfram og það tók mig þó nokkurn tíma að finna út í hverju mér finnst best að æfa. Ég ætla að deila með ykkur mínum uppáhalds æfingafatnaði á meðgöngunni.

Skór

Nike Metcon 3 voru algjörlega game changer ef ég má sletta. Eftir því sem jafnvægið og þyngdarpunkturinn breyttist með sívaxandi kúlu þá lærði ég að elska þessa skó. Þeir hjálpuðu mér að halda áfram að gera æfingarnar rétt og jafnvægið mitt jókst. Nú á meðgöngunni æfi ég ekki í öðrum skóm.

Buxur

Persónulega fannst mér erfiðast að finna mér buxur sem hentuðu mér. Fyrstu 25 vikurnar vildi ég hafa buxurnar yfir kúlunni og tók það smá tíma að finna buxur sem rúlluðu ekki endalaust niður. Ég byrjaði að nota Nike Power Legend og tók þær númeri stærri en venjulega. Þær eru háar í mittið en með stroffi að aftan sem gefur eftir. Á seinni hluta meðgöngunnar vildi ég frekar hafa strenginn lægri eða undir kúlunni. Þá prufaði ég nýju Nike Power Hyper buxurnar og fann strax að þær voru fullkomnar. Þær eru með góðum stuðning yfir rass og læri svo þær haldast vel uppi.

 

 Bolir

Mínir uppáhalds æfingabolir hafa verið Nike Essential Tank Top og Nike Pro Cool Tank. Sá fyrri er með víðu sniði og sá seinni er klassískur æfingabolur sem heldur vel við kúluna.

Toppar

Ég fann fljótt að ég þurfti strax meiri stuðning í íþróttatoppum og finnst mér Nike Pro Classic Swoosh Bra skara fram úr. Mjög góður stuðningur án þess að líða eins og ég sé í spennitreyju.

Peysur

Það sem ég hef elskað Nike Tech Fleece herra peysurnar á þessari meðgöngu! Ég mun trúlega halda því áfram en ég nota þær bæði á æfingum og hversdags. Það besta við þær er að þær eru rosalega þægilegar, hlýjar og það er hægt að renna þeim upp að neðan fyrir sívaxandi kúlu.

Vona að þetta komi að notkun fyrir einhverja!

Þangað til næst!

Hrönn Gauks

instagram: hronngauks

Skildu eftir svar